प्रधानमन्त्री शेरबहादुर देउवाको भारत भ्रमण स्थगित भएको छ। भारतमा कोरोना सङ्क्रमण बढेकाले हाललाई भ्रमण स्थगित भएको प्रधानमन्त्री देउवाका प्रमुख स्वकीय सचिव भानु देउवाले जानकारी दिए। प्रधानमन्त्री देउवा भारतीय समकक्षी नरेन्द्र मोदीको निमन्त्रणामा पुस २६ गतेदेखि गुजरातमा आयोजना हुने भनिएको ‘गुञ्जायमान गुजरात’ विषयको विश्वस्तरीय सम्मेलनलाई सम्बोधन गर्न भारत जाने कार्यक्रम थियो।
कोरोनाका कारण गुञ्जायमान गुजरात सम्मेलन स्थगित भएको जानकारी आएकाले प्रधानमन्त्रीको भारत भ्रमण पनि स्थगित भएको देउवाले बताए। ‘अब कहिले हुन्छ भनिएको छैन,’प्रमुख स्वकीय सचिव देउवाले भने,‘अहिलेलाई प्रधानमन्त्री भारत जाने कार्यक्रम स्थगित भएको छ।’
