इलामको साङरुम्बामा ३५ वर्षीया एक महिला मृत अवस्थामा भेट्टिएकी छन् । इलाम नगरपालिका – १२ साङरुम्बा निबासी ३५ वर्षीया कमला तामाङलाई मृत अवस्थामा भेट्टिएको इलामका प्रहरी नायब निरिक्षक जितेन्द्रकुमार बस्नेतले बताए । ‘चार–पाँच दिन अघि देखिकै शव जस्तो देखिएको छ, सड्न लागेको अवस्थामा शव छ ।’ बस्नेतले भने ‘अहिले शव पोष्टमार्टमका लागि जिल्ला अस्पताल ल्याइएको छ । घटनाको अनुसन्धान भइरहेको छ । तामाङ शुक्रबारदेखिनै गाउँमा नदेखिएको पाइएको र पोष्ट मार्टम पछिमात्र घटनाको थप अनुसन्धान गरिने बस्नेतले बताए ।
